DÍA INTERNACIONAL DA MULLER

Neste día tan especial e significativo, lembramos ás mulleres que deron un paso decisivo para acadar a igualdade. O noso curso presentou a IRENE GONZÁLEZ, a primeira muller futbolista:

DÍA DE ROSALÍA DE CASTRO

Neste día tan especial, no que cada curso recitou algúns dos grandes poemas desta inesquecible escritora, o noso compañeiro Alexandre foi o encargado de ler o poema II de ¡Terra a nosa! Podedes velo a partires do minuto 5:03:


Todos os nenos e nenas de 2º debuxamos o que este poema evocaba nas nosas mentes. Neste enlace están os nosos traballos: https://issuu.com/andrade/docs/2_

Enlace ao blog da biblioteca do cole: http://biblioandrade.blogspot.com.es/2018/02/24-de-febreiro-dia-de-rosalia_28.html


ENTROIDO

As Novas Tecnoloxías teñen un papel indispensable na nosa vida. Coa finalidade de comprendelas e entender mellor a súa evolución, foron o tema escollido do Entroido da nosa escola.
A continuación, podedes gozar do desfile e da actuación que fixemos cos nosos compañeiros e compañeiras de 1º curso. Esperamos que vos guste:





NADAL

Xa podemos revisar a actuación de Nadal na que colaboramos cos nosos compañeiros e compañeiras de 1º. Esperamos que vos guste:


OUTONO

Nestas datas, nas que pouco a pouco despedimos o Outono, compartimos con vós esta imaxe na que amosamos un pequeno mural que fixemos cos nosos compañeiros de 1º:


FESTA DA FROITA 2017

Presentamos a nosa actuación da FESTA DA FROITA 2017. Esperamos que vos guste:

Premio Contos de Medo 2017

En vísperas de Samaín/Halloween, tivemos a fantástica nova de que a nosa compañeira Miriam foi premiada no concurso Contos de Medo polo seu conto: A CARACOLA MÁXICA DE SALETANORABOA!!!



Podedes escoitar a súa terrorífica historia no seguinte vídeo, a partires do minuto 3:20:



De excursión a Pontedeume

O pasado 28 de setembro fixemos unha moi divertida viaxe a Pontedeume cos nosos compañeiros e coas nosas compañeiras de Infantil e 1º Curso. 

Asistimos á Casa da Cultura, onde tivemos a ocasión de ver unha orixinal e fascinante representación do conto de Pinocho. Tamén escoitamos con atención como traballan na Biblioteca Municipal, coñecimos o funcionamento de Correos e visitamos o Torreón. 

Certamente, unha viaxe para lembrar: